الدورى المصرى

أحمد فتحى يودع جماهير الاهلى برسالة مؤثرة

قدم احمد فتحى نجم النادى الاهلى السابق والمنتقل الى صفوف نادى بيراميدز رسالة الوداع الى جماهير القلعة الحمراء .

ومن خلال بيان نشره اللاعب احمد فتحى عبر حسابه الرسمى على موقع التواصل الاجتماعى انستجرام والتى جاءت كالاتى:

لحظات يصعب فيها الكلام .. لحظات يصعب فيها التعبير.. خاصة وانت بتخاطب اطراف كلها عزيزة عليك . ولها مكانة خاصة فى قلبك . وكمان عشت معاهم احلى 12 سنة فى حياتى.. 12 سنة كلها انتصارات وبطولات وافراح.. وعايز اقول لو عقود الاحتراف المكتوبه بتنتهى .. عقود الحب والود والاحترام بينى وبين كل منظومة النادى الاهلى لن تنتهى .. اعذرونى لحظات قاسية.. واى قسوة وانت تغادر حبايبك اللى قضيت معاهم سنين فى النادى الاهلى .. بيتى. وهيفضل بيتى . حتى لو كان القدر كتب لى خطوة جديدة. وهيفضل جمهور الاهلى الى حبنى وساعدنى ووقف جنبى . هيفضل سندى.. لانه جمهور وفى .. جمهور اصيل.. ربنا يشهد انى لم اقصر لحظه لا فى حق النادى .. ولا حق جمهوره.. وبذلت اقصى ما املك حتى اخر لحظه . واتمنى اكون قدمت ولو جزء من اللى يستحقه الاهلى وجمهوره.. فى هذه اللحظه الصعبه على نفسى. عايز اسجل شكرى للنادى الاهلى وادارته وعلى راسها المحترم الكابتن محمود الخطيب.. وكل الشكر للجماهير اللى مهما تكلمت مش هقدر اعطيها حقها.. شكرا لكل المدربين اللى ساعدونى من اول يوم. وحتى اخر لحظه.. والشكر لكل زمايلى اللعبيه. اللى انا لعبت معاهم على مدار كل الاجيال.. شكرا لاخواتى الاطباء ومساعدينهم اخصائين التاهيل والمدلكين.. شكرا للاداريين والعمال.. شكرا لكل فرد ساعدنى ولو باى حاجه.. انا مش عايز حد يزعل منى.. فى الاول والاخر دى خطوات كتبها ربنا سبحانه وتعالى.. وانا متوكل على الله فى كل خطواتى.. ودايما هيفضل الاهلى وجمهوره فى قلبى .

اقرا ايضا: ردود افعال جماهير ليفربول بعد هدف محمد صلاح فى شباك مانشستر سيتى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى